29-dekabr kuni davomida Boris Nemsovni o‘ldirishda gumon qilinayotgan besh kishiga nisbatan yakuniy tahrirdagi ayblov e’lon qilinadi, deya xabar bermoqda “Gazeta.ru” Tergov qo‘mitasiga tayanib. Bundan tashqari, qo‘mita siyosatchining o‘ldirilishini buyurtma qilishda gumonlanayotgan shaxsni oshkor etdi.
“Bugun tekshiruv doirasida tergovchilar Zaur Dadayev, Anzor va Shadid Gubashev, Temirlan Eskerxanov va Xamzat Baxayevga nisbatan uyushgan guruh tarkibida yollanma qotillikni amalga oshirish hamda o‘qotar qurolni noqonuniy ravishda sotib olish, olib yurish, tashish va saqlash bo‘yicha yakuniy tahrirdagi ayblovni e’lon qilmoqchi”, — deyiladi tergov qo‘mitasi xabarida.
Tergov Ruslan Muhiddinovni “amalga oshirilgan jinoyatlar buyurtmachisi va tashkilotchisi” deb hisoblaydi. Tergov 2016-yil yanvarida yakunlanishi rejalashtirilgan.
Eslatib o‘tamiz, noyabr oyida siyosatchi Boris Nemsovning o‘ldirilishi haqidagi jinoiy ish figuranti Ruslan Muhiddinov jinoyatni tashkillashtirishda ayblanib, sirtdan hibsga olingan edi.
Izoh (0)