Rolls-Royce kompaniyasi intererini jihozlashda 41 ta brilliant ishlatilgan Ghost sedanini yagona nusxada ishlab chiqdi. Ghost Red Diamond nomini olgan avtomobil Saudiya Arabistoni qirollik oilasi tomonidan buyurtma qilindi, deya xabar beradi “Motor”.
Rul chambaragi, oldingi panel va markaziy konsol qizil rangdagi teri bilan qoplangan. Sedan kuzovi ham qizil rangga bo‘yalgan. Kapot, radiator panjarasi va oldingi tirgaklar brilliantsifat ko‘rinishga ega. Mashina eshigiga model nomi va mazkur avtomobil qo‘lda hamda yagona nusxada Gudvudda tayyorlangani bitilgan yorliq o‘rnatilgan.
Texnik xususiyatlar haqida batafsil ma’lumot berilmagan bo‘lsada, ushbu avtomobil odatda 570 ot kuchiga ega 6,6 litrli V12 benzin dvigateli bilan jihozlanadi. Uning eng yuqori tezligi soatiga 250 kilometrni tashkil etadi.
Izoh (0)