Nemsov oilasining advokati Tergov qo‘mitasining qotillik buyurtmachisi haqidagi bayonotidan norozi

Marhum Boris Nemsov oilasining vakili Vadim Proxorov Rossiya Tergov qo‘mitasining siyosatchini o‘ldirishni Ruslan Muhiddinov buyurtma qilgani haqidagi bayonotiga norozilik bildirdi, deya xabar bermoqda “RIA Novosti”. Zarur hujjatlar qo‘liga tushishi bilan, u tegishlicha chora ko‘rmoqchi.

“Muhiddinov tashkilotchilardan biri hisoblanadi, buning ustiga, u eng pastki bo‘g‘indan. U Ruslan Geremeyevning haydovchisi bo‘lgan. Qotillikni tashkil qilish uchun unda na shaxsiy maqsad, na pul bor”, — dedi advokat.

Proxorov avvalroq “Sever” batalyonining boshqa ofitseri Ruslan Geremeyevga nisbatan ham ayblovlar e’lon qilinishini qat’iy talab etgan edi. Uning qayerda ekanligini tergov aniqlay olganicha yo‘q.

Avvalroq Rossiya Tergov qo‘mitasi Ruslan Muhiddinovni “amalga oshirilgan jinoyatlar buyurtmachisi va tashkilotchisi” deb hisoblashini e’lon qilgan edi.