Mo‘g‘ulistonlik dizayner tayyorlagan “Chingizxon” avtomobili chizmalari Mercedes-Benz’ni qiziqtirib qo‘ydi

Mo‘g‘ulistonlik dizayner va haykaltarosh Dorjjadamba Erdembileg tomonidan tayyorlangan “Chingizxon” nomli avtomobil dizayni loyihasi Mercedes-Benz vakillarini qiziqtirib qo‘ygan. Bu haqda Mo‘g‘ulistonning “Zaluu.com” nashri xabar bermoqda.

Dizayner tomonidan tayyorlangan avtomobil chizmasi lyuks oilaga mansub bo‘lib, xabar berishlaricha, S-klass tasnifiga kiradi. Qayd etish joiz, Mercedes-Benz mazkur modelga qiziqayotgani haqida “Zaluu.com”dan boshqa mustaqil manbalar, xususan, Mercedes-Benz’ga aloqador resurslar xabar bermagan.

Ma’lumot uchun, Dorjjadamba Erdembileg Mo‘g‘ulistonda xizmat ko‘rsatgan madaniyat xodimi bo‘lib, Sonjin-Boldogdagi Chingizxon haykali muallifi hisoblanadi. Bu jahondagi eng katta otli haykal hisoblanadi.