Мўғулистонлик дизайнер ва ҳайкалтарош Доржжадамба Эрдембилег томонидан тайёрланган «Чингизхон» номли автомобиль дизайни лойиҳаси Mercedes-Benz вакилларини қизиқтириб қўйган. Бу ҳақда Мўғулистоннинг «Zaluu.com» нашри хабар бермоқда.
Дизайнер томонидан тайёрланган автомобиль чизмаси люкс оилага мансуб бўлиб, хабар беришларича, S-класс таснифига киради. Қайд этиш жоиз, Mercedes-Benz мазкур моделга қизиқаётгани ҳақида «Zaluu.com»дан бошқа мустақил манбалар, хусусан, Mercedes-Benz’га алоқадор ресурслар хабар бермаган.
Маълумот учун, Доржжадамба Эрдембилег Мўғулистонда хизмат кўрсатган маданият ходими бўлиб, Сонжин-Болдогдаги Чингизхон ҳайкали муаллифи ҳисобланади. Бу жаҳондаги энг катта отли ҳайкал ҳисобланади.
Изоҳ (0)