Argentinada jurnalistlar so‘rovnomasi asosida mamlakatning eng yaxshi sportchilarini taqdirlash marosimi bo‘lib o‘tdi. Bu haqda “Std.uz” xabar qiladi.
Ta’kidlanishicha, “Barselona” hujumchisi Lionel Messi ketma-ket 9-marta Argentinaning xorijda o‘ynayotgan eng yaxshi futbolchisi deb topildi.
“Premios Olimpia” sovrini 1970-yildan boshlab topshirib kelinadi. Jurnalistlar yilning eng yaxshi sportchisini hamda har bir sport turi bo‘yicha eng yaxshi sportchini aniqlab keladi. 2000-yilda 20-asrning eng yaxshi sportchisi sifatida Diyego Maradonaga maxsus sovrin topshirilgan.
Eslatib o‘tamiz, “Barselona” forvardi Lionel Messi Ispaniya chempionatida 2014/2015-yilgi mavsumning eng yaxshi o‘yinchisi deb topilgan edi.
Izoh (0)