Eng murakkab ism-sharifli futbolchilarning ramziy termasi tuzildi

Squawka portali hazil tariqasida talaffuz etilishi qiyin bo‘lgan ism-shariflarga ega futbolchilardan iborat dunyoning ramziy terma jamoasini e’lon qildi, deb xabar beradi “Uff.uz”.

Tarkibda Aleks Oksleyd-Chemberlen va Juninyu Pernambukanu singari taniqli o‘yinchilar bilan bir qatorda, unchalik mashhur bo‘lmagan “Karlayl” a’zosi Troy Archibald-Xenvill kabi o‘yinchilar mavjud.

Murakkablikni baholash uchun esa Scrabble (“Erudit”) stol o‘yinida qiyin familiya uchun olingan ochkolardan foydalanildi. Bu musobaqada eng ko‘p ochkoni “Manchester Yunayted” futbolchisi Kemeron Bortvik-Jekson (57 ochko) yig‘di.

To‘liq tarkib quyidagicha ko‘rinish oldi:

Darvozabon: Lamin Zemmamush (“USM Jazoir”, “Erudit”da 54 ochko egasi).

Himoyachilar: Kevin Teofil-Katrin (“Sent-Etyen”, 43), Sokratis Papastatopulos (“Borussiya” D, 37), Troy Archibald-Xenvill (“Karlayl”, 38), Kemeron Bortvik-Jekson (“Manchester Yunayted”, 57).

Yarim himoyachilar: Lazaros Xristodulopulos (“Sampdoriya”, 42), Aleks Oksleyd-Chemberlen (“Arsenal”, 45), Juninyu Pernambukanu (faoliyatini yakunlagan 37), Diniyar Bilyaletdinov (“Rubin”, 34).

Hujumchilar: Yan Vennegor of Xesselink (faoliyatini yakunlagan, 44), Rizo Guchannajod (“Charlton”, 43).