Yolg‘onchiga chiqarilgan Putin, qarzdor “Paxtakor”, “Yulduzlar jangi” rekordi va kunning boshqa muhim yangiliklari

“Daryo”da doimiy rukn — har ish kuni eng muhim yangiliklarning kechki dayjesti berib boriladi.

1. O‘zbekiston — Tojikiston siyosiy maslahatlashuvlari 24—25-dekabr kunlari Dushanbeda bo‘lib o‘tadi. TIV uchun qizg‘in yil yakuni — Abdulaziz Kamilov Qozog‘iston poytaxtida Yevropa Ittifoqi bilan muzokara o‘tkazdi, 23-dekabr kuni esa Toshkentda Niderlandiya bilan bo‘ladigan siyosiy maslahatlashuvlar kutib turibdi.

2. Erdo‘g‘on: Putinga Suriya shimolida IShID emas, turkmanlar borligini aytgan edim. Turkiya prezidenti bu gapi bilan Rossiya prezidentini “U — yolg‘onchi!”, demay yolg‘onchiga chiqardi.

3. Hafta oxirigacha qor yog‘ishi kutilmoqda. Tog‘li hududlarda qor ko‘chishi xavfi bor.

4. “Paxtakor” 29-dekabrgacha qarzlarini yopmasa, Oliy Ligadan chetlatiladi. Shu gap aytilgan tadbirda Oliy Liga—2015 ga qur’a tashlandi, O‘zbekiston Superkubogi o‘tkaziladigan sana ma’lum qilindi, kim kimga pul to‘lashi kerakligi aytildi.

5. “Yulduzlar jangi”ning yangi epizodi prokatning birinchi uik-endida yig‘imlar bo‘yicha jahon rekordini o‘rnatdi. To‘rt kunda 528 million dollar! Avvalgi rekordchi — “Yura davri olami” bundan qariyb uch million dollar kam to‘plagandi. O‘zbek aktyori ham suratga tushgan “Yulduzlar jangi”ning namoyishi davom etmoqda — namoyishlar jadvali bilan tanishing.