«Дарё»да доимий рукн — ҳар иш куни энг муҳим янгиликларнинг кечки дайжести бериб борилади.
1. Ўзбекистон — Тожикистон сиёсий маслаҳатлашувлари 24—25 декабрь кунлари Душанбеда бўлиб ўтади. ТИВ учун қизғин йил якуни — Абдулазиз Камилов Қозоғистон пойтахтида Европа Иттифоқи билан музокара ўтказди, 23 декабрь куни эса Тошкентда Нидерландия билан бўладиган сиёсий маслаҳатлашувлар кутиб турибди.
2. Эрдўғон: Путинга Сурия шимолида ИШИД эмас, туркманлар борлигини айтган эдим. Туркия президенти бу гапи билан Россия президентини «У — ёлғончи!», демай ёлғончига чиқарди.
3. Ҳафта охиригача қор ёғиши кутилмоқда. Тоғли ҳудудларда қор кўчиши хавфи бор.
4. «Пахтакор» 29 декабргача қарзларини ёпмаса, Олий Лигадан четлатилади. Шу гап айтилган тадбирда Олий Лига—2015 га қуръа ташланди, Ўзбекистон Суперкубоги ўтказиладиган сана маълум қилинди, ким кимга пул тўлаши кераклиги айтилди.
5. «Юлдузлар жанги»нинг янги эпизоди прокатнинг биринчи уик-эндида йиғимлар бўйича жаҳон рекордини ўрнатди. Тўрт кунда 528 миллион доллар! Аввалги рекордчи — «Юра даври олами» бундан қарийб уч миллион доллар кам тўплаганди. Ўзбек актёри ҳам суратга тушган «Юлдузлар жанги»нинг намойиши давом этмоқда — намойишлар жадвали билан танишинг.
Изоҳ (0)