Boyqo‘ng‘irda “Soyuz” raketasi XKS ekipajini olib uchdi

Boyqo‘ng‘ir kosmodromidan “Soyuz TMA-19 M” rusumli boshqariladigan kosmik kema Xalqaro kosmik stansiyasiga uchirildi. Bu haqda “Roskosmos” bergan ma’lumotlarga asosan Meduza xabar qilmoqda.

Stansiyaga uchgan “Soyuz TMA-19 M”da rossiyalik kosmonavt Yuriy Malenchenko, amerikalik astronavt Timoti Kopra va yevropalik astronavt Timoti Pik ekipaj a’zosi bo‘ldi.

Malenchenko oltinchi marotaba uchayotgan bo‘lib, Kopra bu uchishgacha ikki marotaba orbitada bo‘lgan bo‘lsa, Pik uchun bu uchish birinchi ekspeditsiya bo‘lmoqda.

Kosmonavtlar XKSda 2016-yil 5-iyunga qadar bo‘lishi kutilmoqda.