Laureus World Sports Academy versiyasi bo‘yicha futbolchilar Lionel Messi va Krishtianu Ronaldu, yengil atletikachi Useyn Bolt va bokschi Floyd Meyvezer yilning eng yaxshi sportchisi mukofoti uchun nomzodlar ro‘yxatiga kiritildi. Bu haqda “TASS” xabar beradi.
Mukofot uchun, shuningdek, tennischi Novak Jokovich, avtopoygachi Lyuis Xemilton, basketbolchilar Lebron Jeyms va Pau Gazol, yengil atletikachilar Mo Fara va Greg Ruterford, velopoygachilar Kris Frum va Alberto Kontador hamda golfchi Jordan Spit nomzodlik qilmoqda.
Yilning eng yaxshi sportchi ayoli mukofoti uchun nomzodlar ro‘yxatidan tennischi Serena Uilyams, suzuvchi Keti Ledeki, yengil atletikachilar Genzebe Dibaba, Ellison Feliks, Shelli-Enn Freyzer-Prays, Dafni Shippers, futbolchilar Karli Lloyd va Marta, shuningdek, chang‘ichilar Marit Byorgen va Anna Fenninger joy oldi.
Izoh (0)