Plyaj futboli bo‘yicha terma jamoalarning yangi reytingi e’lon qilindi, deb xabar beradi O‘zbekiston futbol federatsiyasi matbuot xizmati.
Ushbu jahon reytingida O‘zbekiston plyaj futboli terma jamoasi 55-o‘rinni egallab turibdi. Jamoa hisobida 165 ochko bor.
Reytingni 2011 hamda 2013-yilllarda jahon chempionligini qo‘lga kiritgan Rossiya boshqarib bormoqda. Jahonning amaldagi chempioni – Portugaliya terma jamoasi esa ikkinchi o‘rinni egallab turibdi. Kuchli uchlikni plyaj futbolidagi eng sovrindor jamoa – Braziliya yakunlab bergan.
Osiyo qit’asi terma jamoalari orasida esa O‘zbekiston 9-o‘rinda. Jahon reytingida 6-o‘rinda borayotgan Eron terma jamoasi Osiyo qit’asi terma jamoalari orasida eng yaxshi ko‘rsatkichga ega. Kuchli uchlikdan, shuningdek, BAA va Yaponiya terma jamoalarii o‘rin olgan.
Izoh (0)