FIFA rasmiy saytida noyabr oyi uchun milliy terma jamoalar reytingi taqdim etildi. Bu haqda O‘zbekiston futbol federatsiyasi matbuot xizmati xabar bermoqda.
O‘zbekiston milliy terma jamoasi ushbu oy reytingda o‘tgan safargidan uch pog‘ona pastladi va hozirda 74-o‘ringa tushdi. Ayni paytda O‘zbekiston terma jamoasi hisobida 470 ochko mavjud.
Eslatib o‘tamiz, oktabr oyi reytingida O‘zbekiston 3 pog‘ona ko‘tarilgandi.
Osiyo qit’asi terma jamoalari o‘rtasida hamon O‘zbekiston 6-o‘rinni egallab turibdi. Osiyo qit’asi terma jamoalari orasida birinchi o‘rinni Eron egallab turibdi. Forslar shu vaqtgacha 653 ochko to‘plagan. O‘zbekistongacha bo‘lgan qolgan o‘rinlarni Janubiy Koreya, Yaponiya, Avstraliya hamda BAA egallab turibdi.
Ta’kidlash kerakki, O‘zbekiston terma jamoasining jahon chempionati—2018 ikkinchi saralash bosqichidagi hech bir raqibi reytingda yuzlikka kira olmagan.
Jahon reytingini Belgiya boshqarib bormoqda. Argentina ikkinchi, Ispaniya esa uchinchi o‘rinda qayd etilgan. Amaldagi jahon chempioni – Germaniya esa to‘rtinchi pog‘onani band etgan.
Izoh (0)