Пляж футболи бўйича Ўзбекистон термаси жаҳон рейтингида 55-ўриндан жой олди

Пляж футболи бўйича терма жамоаларнинг янги рейтинги эълон қилинди, деб хабар беради Ўзбекистон футбол федерацияси матбуот хизмати.

Ушбу жаҳон рейтингида Ўзбекистон пляж футболи терма жамоаси 55-ўринни эгаллаб турибди. Жамоа ҳисобида 165 очко бор.

Рейтингни 2011 ҳамда 2013 йиллларда жаҳон чемпионлигини қўлга киритган Россия бошқариб бормоқда. Жаҳоннинг амалдаги чемпиони – Португалия терма жамоаси эса иккинчи ўринни эгаллаб турибди. Кучли учликни пляж футболидаги энг совриндор жамоа – Бразилия якунлаб берган.

Осиё қитъаси терма жамоалари орасида эса Ўзбекистон 9-ўринда. Жаҳон рейтингида 6-ўринда бораётган Эрон терма жамоаси Осиё қитъаси терма жамоалари орасида энг яхши кўрсаткичга эга. Кучли учликдан, шунингдек, БАА ва Япония терма жамоаларии ўрин олган.