“Real” (Madrid) hujumchisi Krishtianu Ronalduning onasi Dolores Aveyro o‘g‘lini “Manchester Yunayted”ga o‘tishga undamoqda. Bu haqda Daily Mirror nashriga tayanib, “Chempionat” xabar bermoqda.
Nashrning ma’lum qilishicha, futbolchining onasi Krishtianu jamoasini o‘zgartirishga qaror qilgudek bo‘lsa, hujumchiga shartnoma taklif etmoqchi bo‘lgan “PSJ”ni emas, “MYu”ni ma’qul ko‘rmoqda. Angliya klubi Ronalduga soliqlarni chiqarib tashlagandan so‘ng haftasiga 355 ming yevro to‘lashga tayyor.
Aytishlaricha, Aveyro Parijdagi teraktlardan so‘ng xavotirga tushgan va Manchesterda o‘g‘li hamda besh yoshli nabirasi xavfdan xoli bo‘ladi, deb hisoblamoqda.
Izoh (0)