Fransiya bosh vaziri Manuel Vals “Real” hujumchisi Karim Benzema “Lion” futbolchisi Matye Valbuena shantaj qilinishi bilan bog‘liq mojaro tufayli terma jamoadan chetlatilishi lozimligini bildirdi. Bu haqda Le Figaro manbalariga tayanib, “Chempionat” xabar bermoqda.
“Bunday mojaroga vazir aralashib qolganida, u darrov iste’fo berishi talab etilardi. Terma jamoamiz futbolchilari ma’lum ma’noda ko‘pchilik uchun o‘rnak bo‘lib xizmat qiladi, shu bois o‘z xatti-harakatlari uchun javob berishi kerak. Agar futbolchi o‘zini nazorat qila olmasa, terma jamoada unga o‘rin yo‘q”, — deya ta’kidlagan Vals.
Eslatib o‘tamiz, oldinroq Benzema Valbuenadan uning ishqiy munosabatlari tasvirlangan shaxsiy videoyozuvni oshkor etmaslik uchun pul talab qilganlikda ayblanib, sudda ko‘rsatma bergani haqida xabar qilgandik.
Izoh (0)