Janubiy Koreyaning Samsung kompaniyasi 30-noyabr kuni mobil bo‘linma rahbari Jey Key Shin o‘z o‘rnini Dong Jin Koxga bo‘shatib berishi, biroq ushbu yo‘nalishda rahbar bo‘lib qolishini ma’lum qildi, deb yozadi “Hi-tech.mail.ru”.
Kadrlar bo‘yicha o‘zgarishlar bo‘linma daromadlari ikki yildan buyon tushib borayotgani va joriy yil uchinchi choragida juda kam o‘sish kuzatilganidan so‘ng amalga oshirildi.
Jey Key Shin Samsung biznesini tezkor boshqaruvni yangi prezidentga topshiradi, o‘zi esa nomigagina rahbarlik lavozimini saqlab qolgan holda kompaniyani rivojlantirish strategiyalarini ishlab chiqish va uzoq muddatga rejalashtirish bilan shug‘ullanadi.
Koreya texnologik giganti o‘zi uchun juda qiyin kechgan 2014-yildan so‘ng ishni optimallashtirish bilan faol ravishda shug‘ullanmoqda: u Londondagi flagman do‘konini yopdi, Galaxy S5 savdosi muvaffaqiyatsizlikka uchragach esa, bir nechta rahbarlarni ishdan ketkizdi. 2015-yil boshida esa kompaniya Rossiyadagi vakolatxonasi prezidentini o‘zgartirdi.
Izoh (0)