2015-yil oxiriga borib jahon aholisining 46 foizi o‘z uyidan internetga kirish imkoniga ega bo‘ladi. “Telegraf.by” xabariga ko‘ra, o‘tgan yili internetga ega uy xo‘jaliklari soni 44 foizni, besh yil avval esa 30 foizni tashkil etardi.
BMTning ixtisoslashgan tashkiloti — Xalqaro elektr aloqa ittifoqi ma’lumotlariga ko‘ra, hozirgi vaqtda jahon bo‘yicha 3,2 milliard kishida internetga kirish imkoni bor. Mobil aloqa abonentlari soni esa qariyb 7,1 milliardga yetgan.
Industrial rivojlangan mamlakatlarda uy xo‘jaliklarining 81,3 foizi, rivojlanayotgan mamlakatlarda 34,1 foizi, rivojlanmaganlar qatoriga kiritilgan 48 mamlakatda esa 6,7 foizi internetga ulangan.
2020-yilga borib jahon bo‘yicha internetga ulangan uy xo‘jaliklari soni 56 foizga yetadi, biroq rivojlanayotgan va rivojlanmagan mamlakatlardagi ko‘rsatkichlar baribir o‘rtachadan past (mos ravishda 45 va 11 foiz) bo‘ladi.
Izoh (0)