O‘zbekistonlik yosh tennischi Jo‘rabek Karimov Meksikaning Mexiko shahrida yakuniga yetgan turnirning yarim finalida o‘z yurishini to‘xtatdi. Bu bilan Jo‘rabek 64 nafar tennischi ishtirokini boshlagan ushbu musobaqada kuchli to‘rtlikka kirdi, deb xabar qiladi “Olamsport”.
Turnirda to‘rtinchi raqam ostida tasniflangan Jo‘rabek yarim finalda kutilmaganda musobaqanig o‘n uchinchi raketkasi estoniyalik Kennet Raysmaga uch set natijasiga ko‘ra imkoniyatni boy berib qo‘ydi. Jo‘rabek juftliklar musobaqasida ham yarim finalgacha yetib bordi.
Eslatib o‘tamiz, Jo‘rabek Karimov ushbu turnirning ilk davrasida germaniyalik Tim Ruelni 6:2, 4:6, 7:5, ikkinchi bosqichda vengriyalik Akos Kotormanni 6:4, 6:7(5), 6:2, uchinchi davrada musobaqada 15-raqam ostida harakat qilgan polshalik Kasper Jukni 6:1, 6:2, chorak finalda turnirning oltinchi raketkasi fransiyalik Ugo Umbertni 7:6, 6:3 hisobida mag‘lub etgan edi.
Izoh (0)