Rossiyaning Su-24 samolyotini urib tushirgan Turkiya xatti-harakatlari Rossiya va Turkiyaning iqtisodiyot va gumanitar kabi sohalardagi davomli do‘stona qo‘shnichilik munosabatlariga putur yetkazdi, bu zararning o‘rnini to‘ldirish esa qiyin bo‘ladi, deya Rossiya bosh vaziri Dmitriy Medvedev so‘zlarini keltirdi “Gazeta.ru”.
“Rossiya samolyotini urib tushirgan Turkiya hukumatining o‘ylamay qilgan jinoiy xatti-harakatlari uchta oqibatga olib keldi”, — dedi u.
Avvalambor, bosh vazir Rossiya va NATO o‘rtasidagi aloqalarning keskinlashuvini tilga oldi, u “hech qanday manfaatlar, jumladan, davlat chegaralari himoyasi bilan ham oqlana olmaydi”.
Ikkinchidan, Medvedev so‘zlariga ko‘ra, Turkiya o‘z xatti-harakatlari bilan IShID jangarilarini himoya qilishini ko‘rsatib berdi.
Uchinchidan, Rossiya va Turkiya o‘rtasidagi davomli do‘stona qo‘shnichilik munosabatlari buzildi.
Uning aytishicha, buning natijasida birgalikdagi qator muhim loyihalardan voz kechilishi va Turkiya kompaniyalari Rossiya bozoridagi o‘rinlarini yo‘qotishi mumkin.
- Voqea: Turkiya urib tushirgan Su-24
Izoh (0)