O‘zbekiston Respublikasi Prezidenti Islom Karimov 10-noyabr kuni Oqsaroyda “Lukoyl” neft kompaniyasi prezidenti Vagit Alekperovni qabul qildi, deya xabar bermoqda O‘zA.
Uchrashuvda V.Alekperov 2018-yilda foydalanishga topshirilishi mo‘ljallangan Qandim gazni qayta ishlash zavodini qurish loyihasi O‘zbekiston sanoatini yanada rivojlantirish va kengaytirishga qaratilgan 2015—2019-yillarda iqtisodiyotni yanada isloh qilish, tarkibiy o‘zgartirish va diversifikatsiyalash dasturi doirasida amalga oshirilayotganini ta’kidladi. “Lukoyl” kompaniyasi O‘zbekiston neft-gaz tarmog‘idagi investitsiyaviy loyihalar doirasida qabul qilgan barcha majburiyatlarini to‘la va o‘z vaqtida bajarishini qayd etdi.
Muloqot chog‘ida jahon va mintaqa uglevodorod xomashyosi bozoridagi bugungi vaziyat yuzasidan fikr almashildi, uzoq muddatli va o‘zaro manfaatli hamkorlikni yanada rivojlantirishning asosiy istiqbolli yo‘nalishlari muhokama qilindi.
Izoh (0)