Jinoyat ishlari bo‘yicha Toshkent shahar Yunusobod tumani sudi abituriyentlarni o‘qishga kiritish haqidagi yolg‘on va’da bilan fuqarolarning pulini o‘zlashtirgan uch kishidan iborat jinoiy guruh ustidan hukm chiqardi. Bu haqda “Huquq” gazetasi xabar bermoqda.
Jinoiy guruh a’zolarining mazkur va’dasiga ishongan ayol, 4,5 ming dollar pulni jinoiy guruh a’zolariga topshiradi. “Bir haftadan keyin o‘g‘lingiz o‘qishga kelaversin, shu yerda uchrashamiz”, — deb xayrlashgan jinoyatchilar, nom-nishonsiz yo‘qoladi. Shundan so‘ng jabrlanuvchi ayol huquqni muhofaza qilish idoralariga murojaat qilishga majbur bo‘ladi.
Tez orada qo‘lga olingan jinoyatchilar tergov jarayonida kamida yana ikki fuqaroni aldab, ularning yaqinlarini Toshkent Davlat pedagogika unirvesitetiga kiritib qo‘yish va’dasi bilan umumiy hisobda 6 ming dollar pul olganini tan olgan.
Sud jinoiy guruhning ikki a’zosini 5 yil 6 oyga ozodlikdan mahrum etish haqida hukm chiqargan. Guruhning uchinchi a’zosi ham, “Huquq” gazetasining yozishicha, “qilmishiga yarasha jazosini oldi”.
Izoh (0)