Birlashgan Arab Amirliklari poytaxtida dunyodagi eng katta yopiq qorli ko‘ngilochar bog‘ quriladi. U Abu-Dabida 2018-yilda ochiladigan Reem Mall savdo markazida joylashadi, deya xabar bermoqda Emirates 24/7.
Tomosha bog‘ining maydoni 11,6 ming kvadrat metrni tashkil etadi. Tashrif buyuruvchilar qorli tepaliklardan uchib tushish bilan birga, zorbing (shaffof sharda qorli tepalikdan tushish) va chana sporti bilan mashg‘ul bo‘lishi mumkin.
Reem Mall’ning o‘zida esa 450 ga yaqin do‘konlar, shuningdek 85 ta bar va restoranlar ochiladi. Savdo markazi Abu-Dabida qurilgan eng yiriklaridan biri bo‘lishi kutilmoqda.
Izoh (0)