“Elektron hukumat” tizimini rivojlantirish markazi Ochiq ma’lumotlar bo‘yicha konsepsiya loyihasini ochiq muhokamaga qo‘ydi. Bu haqda markaz axborot xizmati xabar bermoqda.
Ushbu konsepsiya ochiq davlat ma’lumotlari yo‘nalishidagi o‘rta va uzoq muddatli rejalashtirish tizimidagi mavjud bo‘shliqni to‘ldirishga yo‘naltirilgan. Mazkur hujjat hukumatning ochiq ma’lumotlar sohasidagi faoliyatining asosiy yo‘nalishlarini belgilab beruvchi yo‘lboshchi hisoblanadi.
Konsepsiya O‘zbekiston Axborot texnologiyalari va kommunikatsiyalarini rivojlantirish vazirligi tomonidan BMT Taraqqiyot dasturining “Davlat xizmatlarini ko‘rsatish sifatini oshirishda elektron hukumat tizimini rivojlantirish” loyihasi bilan hamkorlikda ishlab chiqildi.
Loyiha muhokamasida istalgan jismoniy va yuridik shaxs qatnashishi mumkin. Jamoatchilik muhokamasi davomida olingan mazmunli taklif va tuzatishlar ekspertlar tomonidan sharhlanadi va muhokama tashkilotchilari tomonidan o‘rganib chiqiladi. Mazkur havola orqali muhokamada qatnashib, o‘zbek yoki rus tilida izoh/fikr qoldirish mumkin.
Izoh (0)