Futbol bo‘yicha Kolumbiya terma jamoasi va Londonning “Arsenal” klubi darvozaboni David Ospina avtomobil o‘g‘rilarining harakatlaridan jabr ko‘rdi. Bu haqda London Evening Standard xabar bermoqda.
Darvozabon Kolumbiya terma jamoasi ixtiyorida bo‘lgan vaqtda, jinoyatchilar uning London chekkasidagi hashamatli uyiga yashirincha kirib borgan. Futbolchining ayoli va farzandlari uyga o‘g‘rilar kirganini sezmagan, jinoyatchilar faqat Mercedes AMG avtomobilining kaliti qiymati 140 ming yevroga teng mashinani olib qochgan.
Ospinaning ayoli tongda uyga begona kishilar kirganini sezib, politsiyaga murojaat qilgan. Avtomobil oradan bir necha soat o‘tib kolumbiyalik darvozabonning uyidan 10 kilometr uzoqlikda topilgan. Hozirgi vaqtda politsiya hodisa tafsilotlari yuzasidan surishtiruv harakatlarini olib bormoqda.
“Arsenal” Ospinani 2014-yil yozida Fransiyaning “Nitssa” jamoasidan to‘rt million yevro evaziga sotib olgan. Darvozabon Kolumbiya terma jamoasi uchun 50 uchrashuv o‘tkazgan.
Izoh (0)