Turkiya politsiyasi mamlakat poytaxti Anqaradagi teraktning ikki ijrochisidan biri IShID terrorchilik guruhi a’zosi deb gumon qilinayotgan shaxsning akasi bo‘lganligini ma’lum qildi. Bu haqda The Guardian’ga tayanib, “Gazeta.ru” xabar bermoqda.
Huquqni muhofaza qilish organlari ma’lumotlariga ko‘ra, portlovchi uskunani harakatga keltirgan ikki kishidan biri aynan Yunus Amir Alagoz bo‘lgan. U IShID a’zosi sifatida gumon qilinayotgan shayx Abdurahmon Alagozning akasi bo‘lgan, u esa bungacha Suriya bilan chegaradagi Suruch shahrida terakt uyushtirgan.
Politsiyachilar Anqaradagi portlashni sodir etgan ikkinchi shaxsni ham oshkor qildi — Umar Deniz Dundar. Ularning shaxsi terakt joyidan olingan DNK namunalarini tahlil qilish orqali aniqlandi. Har ikkala terrorchi IShIDga aloqador bo‘lganligi ta’kidlanmoqda.
Avvalroq Turkiya bosh vaziri Ahmet Davuto‘g‘li terakt IShID jangarilari tomonidan uyushtirilgan bo‘lishi mumkinligi haqida fikr bildirgan edi.
Eslatib o‘tamiz, oxirgi ma’lumotlarga ko‘ra, Anqaradagi terakt qurbonlari soni 120 kishidan oshgan.
Izoh (0)