Туркия полицияси мамлакат пойтахти Анқарадаги терактнинг икки ижрочисидан бири ИШИД террорчилик гуруҳи аъзоси деб гумон қилинаётган шахснинг акаси бўлганлигини маълум қилди. Бу ҳақда The Guardian’га таяниб, «Газета.ru» хабар бермоқда.
Ҳуқуқни муҳофаза қилиш органлари маълумотларига кўра, портловчи ускунани ҳаракатга келтирган икки кишидан бири айнан Юнус Амир Алагоз бўлган. У ИШИД аъзоси сифатида гумон қилинаётган шайх Абдураҳмон Алагознинг акаси бўлган, у эса бунгача Сурия билан чегарадаги Суруч шаҳрида теракт уюштирган.
Полициячилар Анқарадаги портлашни содир этган иккинчи шахсни ҳам ошкор қилди — Умар Дениз Дундар. Уларнинг шахси теракт жойидан олинган ДНК намуналарини таҳлил қилиш орқали аниқланди. Ҳар иккала террорчи ИШИДга алоқадор бўлганлиги таъкидланмоқда.
Аввалроқ Туркия бош вазири Аҳмет Давутўғли теракт ИШИД жангарилари томонидан уюштирилган бўлиши мумкинлиги ҳақида фикр билдирган эди.
Эслатиб ўтамиз, охирги маълумотларга кўра, Анқарадаги теракт қурбонлари сони 120 кишидан ошган.
Изоҳ (0)