Mansabdorlarni milliy havo tashuvchilarida uchishga majbur etuvchi qoida mahalliy aviakompaniyalarni qo‘llab-quvvatlashga qaratilgan. Bu haqda Rossiya prezidentining matbuot kotibi Dmitriy Peskov ma’lum qildi, deya xabar bermoqda “RBK”.
“Bu ko‘p davlatlarda qo‘llanadigan amaliyot, — deya izoh bergan Peskov. —Agar xizmat safarlari budjet hisobidan amalga oshirilayotgan bo‘lsa, davlat o‘z xizmatchilarini milliy tashuvchi xizmatidan foydalanishga majbur etadi. Mabodo parvoz budjet hisobidan bo‘lmasa, qaysi aviakompaniya samolyotida uchishining ahamiyati yo‘q”.
Mansabdorlarga xorij aviakompaniyalari reyslariga davlat hisobidan bilet xarid qilish mahalliy samolyotlar xizmat safari bajariladigan manzilga uchmasa yoki safar muddatlari chog‘ida bilet qolmagan bo‘lsa ruxsat beriladi.
Eslatib o‘tamiz, Rossiya prezidenti Vladimir Putin 30-sentabr kuni mansabdorlarga xizmat safarlari uchun chet el kompaniyalari reyslariga bilet olishni taqiqlovchi farmon chiqardi. Bu qoidadan faqat Yevrosiyo iqtisodiy ittifoqiga kiruvchi mamlakatlar tashuvchilari uchungina istisno qilingan.
Izoh (0)