Singapore Airlines aviakompaniyasi Singapurdan Nyu-Yorkka qadar davom etuvchi jahondagi eng uzun to‘xtovsiz reysni qayta tiklaydi. Bloomberg xabariga ko‘ra, mazkur yo‘nalish bo‘yicha parvozlar 2018-yildan boshlanadi.
Parvoz masofasi 15,3 ming kilometrga teng bo‘lib, belgilangan yo‘l 18—19 soatda bosib o‘tiladi. Reyslar aynan shu yo‘nalish uchun maxsus loyihalashtirilgan Airbus A350-900URL samolyotlarida amalga oshiriladi.
Kompozit materiallardan tayyorlangani uchun vazni yengil, yonilg‘i sarfi kam bo‘lgan mazkur samolyotda qancha o‘rin bo‘lishiga aniqlik kiritilmayapti. Undan avvalgi — A340 laynerida 100 ta biznes-klass yo‘lovchilari uchun joy bor edi, yangi laynerda joylar soni qisqartirilishi kutilmoqda.
Singapurdan Nyu-Yorkka tomon to‘xtovsiz parvoz qiladigan reys 2013-yilda yopilgandi, bunga uning eng avval biznes-turistlar orasida ommalashmagani sabab qilib ko‘rsatilgandi. Singapore Airlines istiqbolda AQShgacha boshqa to‘xtovsiz yo‘nalishlarni ishlab chiqish niyatida.
Izoh (0)