Ispaniya chempionatining o‘tgan mavsumida jami 48 ta to‘p kiritgan Madridning “Real” fubol klubi hujumchisi Krishtianu Ronaldu Yevropa milliy chempionatlarining eng yaxshi to‘purariga beriladigan “Oltin butsa”ni to‘rtinchi bor qo‘lga kiritib, o‘ziga xos rekord o‘rnatdi. “Barselona” hujumchisi Lionel Messi bu mukofotga uch marta loyiq ko‘rilgan, deya xabar beradi “TASS”.
Ronaldu bungacha 2007—2008-yillar (“Manchester Yunayted”, 31ta gol) hamda 2010—2011-yillar mavsumida (“Real”, 40 ta gol) mazkur mukofotni qo‘lga kiritgan edi.
2013—2014-yillar mavsumida 31 tadan to‘p kiritgan ikki futbolchi — Ronaldu hamda o‘sha paytda “Liverpul” safida o‘ynagan Luis Suares sovrinni o‘zaro bo‘lishib olgan.
Eslatib o‘tamiz, “Oltin butsa” mukofoti 1968-yildan beri Yevropa chempionatlarining eng yaxshi to‘purariga topshirib kelinadi.
Izoh (0)