Toshkentdagi Respublika olimpiya zaxiralari tennis maktabi kortlarida “Chellenjer” turkumiga kiruvchi, mukofot jamg‘armasi 125 ming dollardan iborat musobaqaning asosiy to‘r bahslari start oldi. Bu haqda “Olamsport” xabar bermoqda.
O‘zbekistonning birinchi raqamli tennischisi Denis Istomin musobaqaning birinchi raketkasi sifatida qayd etilgan. U ilk davra bahslari doirasida 13-oktabr kuni belaruslik Vladimir Ignatikka qarshi kortga chiqadi.
O‘zbekistonning ikkinchi raketasi Farrux Do‘stov esa 12-oktabr kuni o‘zining ilk uchrashuvini o‘tkazdi. Bosniya va Gersegovina vakili Aldin Setkichga qarshi kortga chiqqan o‘zbekistonlik tennis ustasi 6:2, 7:5 hisobida zafar quchdi.
Yana bir O‘zbekiston vakili Shonig‘mat Shofayziyev esa jahon reytingida 70-pog‘onadan joy olgan belaruslik Sergey Betovga 4:6, 2:6 hisobida imkoniyatni boy berdi.
Yakkalik bahslarining asosiy to‘rida o‘zbekistonliklardan Temur Ismoilov hamda Jo‘rabek Karimov ham ishtirok etadi. Ismoilov ilk bosqichda rossiyalik Aleksandr Kudryavsev bilan, iste’dodli Jo‘rabek Karimov esa isroillik Amir Veyntraub bilan hisob-kitob qiladi.
Izoh (0)