Turkiya armiyasi Kurdiston ishchi partiyasi (KIP) marralariga bir necha aviahujumlar uyushtirdi. Bu haqda “TASS” xabar bermoqda.
Al Arabiya telekanali ma’lumotlariga ko‘ra, “Turkiya aviatsiyasi KIPning mamlakat janubi-sharqi va Iroqning shimolidagi marralariga bir necha zarbalar berdi”. Hujumlar natijasida KIPning 49 tarafdori halok bo‘ldi.
10-oktabr, shanba kuni Anqara markazida tinchlikni qo‘llab-quvvatlash maqsadida tashkil etilgan namoyish vaqtida yuz bergan ikki portlash oqibatida 95 kishi halok bo‘ldi, 240 dan ortiq odam tan jarohati oldi. Hozircha hech bir guruh mazkur terakt uchun javobgarlikni o‘ziga olgani yo‘q, Turkiya hukumati mazkur harakat ortida KIP ham turgan bo‘lishi mumkin, deb hisoblamoqda.
Turkiya armiyasi iyul oyi o‘rtalaridan boshlab mamlakat hududi va Iroq shimolidagi KIPga qarshi bir necha operatsiyalarni o‘tkazdi. Bunga javoban KIP faol jangovar harakatlarni boshlab, deyarli har kuni turk harbiy xizmatchilari va politsiyachilariga qarshi hujumlarni uyushtirmoqda.
Izoh (0)