Rossiya o‘z samolyoti bilan bog‘liq hodisa bo‘yicha Turkiyaga tushuntirish berdi

Rossiya Turkiyaga Rossiya samolyoti bilan bog‘liq hodisa bo‘yicha tushuntirish berdi. Bu borada Rossiyaning Anqaradagi elchixonasining matbuot kotibi Igor Mityakov ma’lumotiga asoslanib, “RIA Novosti” xabar bermoqda.

5-oktabr, dushanba kuni Turkiya tashqi ishlar vazirligi Rossiya harbiy samolyoti Turkiyaning Suriya bilan chegaradosh Xatay viloyatining Yayladog‘ tumani atrofida havo bo‘shlig’iga kirganini xabar qilgandi.

Mityakovning aytishicha, mazkur voqea yuzasidan Rossiya tomoni Turkiyaning Moskvadagi elchixonasiga kerakli tushuntirish bergan. “Haqiqatda Rossiya harbiy samolyotining Turkiya havo hududini buzgani bor gap”, — dedi Mityakov.

30-sentabrdan boshlab Rossiya Suriya prezidenti Bashar Asadning so‘roviga ko’ra IShID istehkomlariga aniq aviazarbalar berishni boshladi. Rossiya mudofaa vazirligiga ko‘ra, Rossiya aviatsiyasi jangarilarning boshqaruv tizimiga,moddiy-texnik ta’minotiga va terrorchilarni tayyorlash infratuzulmalariga sezilarli talofat yetkazgan.