Britaniyalik aktyor Jud Lou Gollivudning Shon-sharaf xiyobonida o‘z yulduziga ega bo‘ldi. Bu haqda Film.ru xabar bermoqda.
Yulduzni o‘rnatish marosimida Louning farzandlari Raff va Ayris, uning rafiqasi Filippa Koan, shuningdek, “Yulduzlar jangi: bir jamoa” serialida rejissyorlik qilgan Devid Louri ishtirok etdi.
“Men juda omadli odamman, chunki ushbu tadbir mening oila a’zolarim qurshovida bo‘lib o‘tdi. Ular mening aktyorlik va kino sohasiga bo‘lgan ishtiyoqimga doim guvohi bo‘lgan va meni qo‘llab-quvvatlagan. Ular men uchun qanchalik qadrli insonlar ekanligini bilishadi va men ularni juda yaxshi ko‘raman”, dedi Lou nutqida.
Ma’lumot uchun, Jud Lou 1972-yilning 29-dekabr sanasida Buyuk Britaniyada tug‘ilgan. Aktyor “Sherlok Holms”, “Anna Karenina”, “Gattaka”, “Yosh papa” va boshqa ko‘plab film va seriallarda ishtirok etgan. U “Tog‘ muzliklari” filmi uchun “Eng yaxshi rol” nominatsiyasida “Oskar” mukofotini qo‘lga kiritgan. 2019-yilda Lou Filippa Koan bilan turmush qurgan. Hozirda 51 yoshda bo‘lgan aktyor yetti nafar farzandni tarbiyalamoqda.
Izoh (0)