Amerikaning General Motors konserni rul boshqaruvi gidrokuchaytirgichi shlangida yoriq paydo bo‘lishi xavfi tufayli Rossiyadan 70,2 ming Chevrolet Aveo avtomobillarini qaytarib olishni rejalashtirmoqda. Muammo mashinadan 40 darajadan past haroratda foydalanganda paydo bo‘lishi mumkin. Bu haqda “TASS” xabar berdi.
Mazkur jarayon 2011-yil 22-noyabrdan 2015-yil 11-sentabrgacha sotilgan avtomobillarga tegishli bo‘lishi aytilmoqda. GM dilerlari maktub jo‘natish yoki qo‘ng‘iroq qilish orqali mashina egalarini ta’mirlash uchun yaqin oradagi dilerlik markazlariga murojaat etishlari mumkinligi to‘g‘risida ogohlantiradi.
Bu Rossiyada General Motors avtomobillari bilan bog‘liq birinchi muammo emas: shu yil avgust oyida GM salkam 11 mingta Opel Mokka mashinasini xavfsizlik kamaridagi ehtimoliy nuqsonlar tufayli qaytarib olgandi.
Izoh (0)