Американинг General Motors концерни руль бошқаруви гидрокучайтиргичи шлангида ёриқ пайдо бўлиши хавфи туфайли Россиядан 70,2 минг Chevrolet Aveo автомобилларини қайтариб олишни режалаштирмоқда. Муаммо машинадан 40 даражадан паст ҳароратда фойдаланганда пайдо бўлиши мумкин. Бу ҳақда «ТАСС» хабар берди.
Мазкур жараён 2011 йил 22 ноябрдан 2015 йил 11 сентябргача сотилган автомобилларга тегишли бўлиши айтилмоқда. GM дилерлари мактуб жўнатиш ёки қўнғироқ қилиш орқали машина эгаларини таъмирлаш учун яқин орадаги дилерлик марказларига мурожаат этишлари мумкинлиги тўғрисида огоҳлантиради.
Бу Россияда General Motors автомобиллари билан боғлиқ биринчи муаммо эмас: шу йил август ойида GM салкам 11 мингта Opel Mokka машинасини хавфсизлик камаридаги эҳтимолий нуқсонлар туфайли қайтариб олганди.
Изоҳ (0)