Samarqanddagi Osiyo-uz supermarketida pensionerlarga pensiya daftarchasi bo‘yicha bepul non berilmoqda. Bu haqda “Samarkandskiy vestnik” gazetasiga mushtariylari ma’lum qildi, deb yozadi “12news.uz”.
Do‘konda 17:00 gacha pensiya daftarchasini ko‘rsatgan pensionerlarga non bepul tarqatilmoqda. Biroq bir kishi kunda bir marta bunday xizmatdan foydalanishi mumkin, buni tartibga solish uchun maxsus jurnal yuritilib, kunlik hisob-kitob olib borilmoqda.
Eslatib o‘tamiz, avvalroq Toshkentdagi Makro supermarketlar tarmog‘ida 2015-yil − Keksalarni e’zozlash yili munosabati bilan pensionerlarga eng zarur mahsulotlar arzon narxlarda sotilayotgani, shuningdek har kuni bittadan qoliplangan (buxanka) non bepul berilayotgani xabar qilingan edi.
Izoh (0)