Самарқанддаги Osiyo-uz супермаркетида пенсионерларга пенсия дафтарчаси бўйича бепул нон берилмоқда. Бу ҳақда «Самаркандский вестник» газетасига муштарийлари маълум қилди, деб ёзади «12news.uz».
Дўконда 17:00 гача пенсия дафтарчасини кўрсатган пенсионерларга нон бепул тарқатилмоқда. Бироқ бир киши кунда бир марта бундай хизматдан фойдаланиши мумкин, буни тартибга солиш учун махсус журнал юритилиб, кунлик ҳисоб-китоб олиб борилмоқда.
Эслатиб ўтамиз, аввалроқ Тошкентдаги Маkro супермаркетлар тармоғида 2015 йил − Кексаларни эъзозлаш йили муносабати билан пенсионерларга энг зарур маҳсулотлар арзон нархларда сотилаётгани, шунингдек ҳар куни биттадан қолипланган (буханка) нон бепул берилаётгани хабар қилинган эди.
Изоҳ (0)