General Motors Rossiyaning “Favorit Motors” kompaniyasiga Opel va Chevrolet dilerlik markazlarini barpo etishga sarflagan investitsiyalari uchun kompensatsiya to‘lash yuzasidan kelishuvni imzoladi. Bu GM va rossiyalik dilerlar o‘rtasida tuzilgan birinchi shunday hujjat ekanligi aytilmoqda. Bu haqda “RBK” xabar berdi.
Ma’lumki, 18-mart kuni GM Rossiyadagi biznesi qisqartirilishini e’lon qildi: yil oxiriga qadar Opel va ommabop Chevrolet sotuvi to‘xtatiladi, barcha ishlab chiqarish maydonlari faoliyati “muzlatiladi”. Mazkur tadbirlarga 600 million dollar sarflanishi ko‘zda tutilgan, mablag‘ning bir qismi dilerlar brendlarni rivojlantirishga sarflagan pullarini qaytarish uchun mo‘jallangan.
Rossiyadagi barcha dilerlarni ham kompensatsiya miqdori qoniqtirayotgani yo‘q. Konsernga nisbatan to‘rtta mahalliy dilerdan 1 mlrd rubldan ziyod da’vo arizasi kiritilgan. Bundan avtoqismlar ishlab chiqaruvchilari ham chetda qolmadi: 115 million rublga teng da’vo qo‘zg‘agan “Avtokomponent” birinchi shunday korxona bo‘ldi.
Izoh (0)