2015-yilning 27-sentabr kuni Nyu-York shahrida O‘zbekiston Respublikasi tashqi ishlar Vaziri Abdulaziz Kamilov va AQSh Davlat kotibining birinchi o‘rinbosari Antoni Jon Blinken o‘rtasida uchrashuv bo‘lib o‘tdi. Bu haqda O‘zbekiston TIV matbuot xizmati xabar bermoqda.
Suhbat chog‘ida O‘zbekiston—AQSh kun tartibi hamda munosabatlarni yanada rivojlantirish masalalari yuzasidan fikr almashildi. Ba’zi mintaqaviy muammolar ham muhokama qilindi.
26-sentabr kuni O‘zbekiston Respublikasi delegatsiyasi AQSh Davlat departamenti vakillari – davlat kotibi yordamchisi Nisha Desai Bisval, davlat kotibi yordamchisining birinchi o‘rinbosari Todd Chapman bilan uchrashdi.
Izoh (0)