2018-yilda 100 yilligini nishonlaydigan O‘zbekiston Davlat san’at muzeyining ta’miri va qo‘shimcha yangi binosining qurilishini yubiley arafasida yakuniga yetkazish rejalashtirilgan. Bu haqda “Novosti Uzbekistana” xabar bermoqda.
Muzeyda tashrifchilarni hunarmandlar hamda rassom va haykaltaroshlarning ish jarayoni bilan tanishtiruvchi ustaxonalar tashkil etiladi. Bundan tashqari, muzeyning ikkinchi binosi ham qurilib, unga ma’muriyat va barcha texnik xizmatlar joylashtiriladi.
Muzeyni rekonstruksiya va modernizatsiya qilish loyihasiga muvofiq, konditsionerlar o‘rnini zamonaviy iqlim nazorati tizimi egallaydi, videokuzatuv va yong‘in xavfsizligi tizimlari yangilanadi.
Muzeyning hozirgi binosi zamonaviy va milliy elementlarni jamlagan holda, ilg‘or arxitektura texnologiyalarini tatbiq etish orqali yangilanadi. Muzey atrofida yana bir yangi xiyobon paydo bo‘lib, u Zulfiya haykali oldidagi maydon bilan yagona arxitekturaviy ansamblni tashkil etadi.
Izoh (0)