Rossiya Premyer-ligasining 9-turidan o‘rin olgan uchrashuvda “Krasnodar” klubi safarda “Ural” jamoasiga 1:3 hisobida imkoniyatni boy berib qo‘ydi, deya xabar bermoqda “Olamsport”.
O‘yin Oleg Kanonov shogirdlari uchun omadli boshlangan edi. 22-daqiqada Odil Ahmedov mezbonlar darvozasini ishg‘ol qilib, “Krasnodar”ni hisobda oldinga olib chiqqandi.
Afsuski, kiritilgan goldan ikki daqiqa o‘tib, o‘zbekistonlik futbolchi jarohat oldi va maydonni tark etishga majbur bo‘ldi. Bundan esa maydon egalari unumli foydalanib qoldi va yakunda 3:1 hisobida zafar quchdi. O‘yindan keyin o‘tkazilgan matbuot anjumanida “Krasnodar” ustozi Oleg Kanonov aynan Ahmedovning jarohati mag‘lubiyatga sabab bo‘lganligini alohida ta’kidladi.
Izoh (0)