WBA, WBO, IBF yo‘nalishlari bo‘yicha o‘ta og‘ir vaznda jahon chempioni Vladimir Klichko AQShning nufuzli The Ring jurnali tomonidan tuziladigan dunyoning eng yaxshi bokschilari (vaznidan qat’i nazar) ro‘yxati —Pound for Pound reytingida uchinchidan oltinchi o‘ringa tushib qoldi. Bu haqda “Korrespondent. net” xabar bermoqda.
Floyd Meyvezer sportdagi karerasini yakunlagach, reytingdagi birinchi o‘ringa WBC yo‘nalishi bo‘yicha eng yengil vazndagi jahon chempioni, 27 yoshli nikaragualik Roman Gonsales ko‘tarilgan. Amerikalik Andre Uord reytingga qaytgan va darrov uning ikkinchi o‘rnini egallagan. Rossiyalik Sergey Kovalyov esa o‘sishga erishib, yettinchidan uchinchi o‘ringa ko‘tarilib olgan.
Ushbu reytingning birinchi o‘nligi quyidagicha ko‘rinish oldi:
1. Roman Gonsales (Nikaragua)2. Andre Uord (AQSh)3. Sergey Kovalyov (Rossiya)4. Gennadiy Golovkin (Qozog‘iston)5. Gilermo Rigondo (Kuba)6. Vladimir Klichko (Ukraina)7. Terens Krouford (AQSh)8. Menni Pakyao (Filippin)9. Sinsuke Yamanaka (Yaponiya)10. Kell Bruk (Buyuk Britaniya)
Izoh (0)