Россия Премьер-лигасининг 9-туридан ўрин олган учрашувда «Краснодар» клуби сафарда «Урал» жамоасига 1:3 ҳисобида имкониятни бой бериб қўйди, дея хабар бермоқда «Оламспорт».
Ўйин Олег Канонов шогирдлари учун омадли бошланган эди. 22-дақиқада Одил Аҳмедов мезбонлар дарвозасини ишғол қилиб, «Краснодар»ни ҳисобда олдинга олиб чиққанди.
Афсуски, киритилган голдан икки дақиқа ўтиб, ўзбекистонлик футболчи жароҳат олди ва майдонни тарк этишга мажбур бўлди. Бундан эса майдон эгалари унумли фойдаланиб қолди ва якунда 3:1 ҳисобида зафар қучди. Ўйиндан кейин ўтказилган матбуот анжуманида «Краснодар» устози Олег Канонов айнан Аҳмедовнинг жароҳати мағлубиятга сабаб бўлганлигини алоҳида таъкидлади.
Изоҳ (0)