Fransiyaning “PSJ” futbol klubi va Argentina milliy terma jamoasi yarim himoyachisi Anxel Di Mariya vatandoshi Lionel Messi haqidagi fikrlari bilan o‘rtoqlashdi. Bu haqda “Korrespondent.net” xabar bermoqda.
“Leoni ta’riflashga so‘z ojiz. Sovrinlar va futbolni hisobga olmay aytamanki, u buyuk shaxs va ajoyib do‘st”, — dedi Di Mariya.
“U barcha ishlarni zavq bilan amalga oshirgani uchun ham shunday yutuqlarga erishdi, bunga ishonchim komil. U o‘zining sevimli uslubida to‘p suradi va o‘zini ommaga namoyish etadi”, — dedi yarim himoyachi.
“U maydonda qanday bo‘lsa, hayotda ham shunday: bosiq va juda yaxshi inson. U nimaiki sovrinni qo‘lga kiritgan bo‘lsa, barchasiga haqlidir”, — deya qo‘shimcha qildi Anxel Di Mariya.
Izoh (0)