20-sentabr, yakshanba kuni Xitoy shimolidagi Shansi provinsiyasida joylashgan Tayyuan kosmodromidan 20 ta mitti sun’iy yo‘ldosh yuklangan “Buyuk yurish-6” (“Chanchjen-6”) raketa-tashuvchisi muvaffaqiyatli uchirildi. Bu shu turkumdagi raketalar uchun hisob bo‘yicha 210-parvoz hisoblanadi, deya xabar bermoqda “Sinxua” agentligi.
Mazkur tashuvchi ekologik sof yoqilg‘i—kerosin va suyuq kislorodda ishlovchi birinchi mahalliy raketa hisoblanadi. Xitoy milliy koinot boshqarmasi (CASC) vakillarining ta’kidlashicha, yangi yoqilg‘i parvozga ketadigan xarajatlarni kamaytirish va Xitoy raketalarining xalqaro bozordagi raqobatbardoshligini oshirishga xizmat qiladi.
Izoh (0)