2015-yilning 19-sentabr kuni 2013-yil 8-iyulda imzolangan O‘zbekiston Respublikasi bilan Ispaniya Qirolligi o‘rtasida ikki yoqlama soliqqa tortishga yo‘l qo‘ymaslik hamda daromad va kapital soliqlarini to‘lashdan bosh tortishning oldini olish to‘g‘risidagi Konvensiya kuchga kirdi. Bu haqda O‘zbekiston Tashqi ishlar vazirligi matbuot xizmati xabar bermoqda.
Konvensiya O‘zbekiston va Ispaniya yuridik va jismoniy shaxslarining o‘z davlatlarida yoki sherik davlatda olgan daromadlarini ikki marta soliqqa tortilmasligini ta’minlaydi. Shu yo‘sinda, mazkur xalqaro shartnoma o‘zaro investitsiyalarni jalb qilish hamda ikki davlat kompaniya va tadbirkorlari o‘rtasida savdo-iqtisodiy hamkorlikni rivojlantirishga imkon beradi.
Shuningdek, ushbu Konvensiya soliqqa oid huquqbuzarliklarni oldini olish maqsadida O‘zbekiston va Ispaniya soliq idoralari o‘rtasidagi hamkorlikni ham nazarda tutadi.
Mazkur Konvensiyaning to‘liq matni bilan www.lex.uz saytida tanishish mumkin.
Izoh (0)