Tatariston prezidenti etib saylangan Rustam Minnixanov rasman vazifasini bajarishga kirishdi va respublikaning davlat tillari — rus hamda tatar tillarida qasamyod keltirdi. Bu haqda “RIA Novosti” xabar bermoqda.
Tatariston prezidentligiga saylovlar 13-sentabr, yakshanba kuni bo‘lib o‘tdi. 2010-yildan beri respublikani boshqarib kelayotgan Minnixanov o‘zidan tashqari yana uch nomzod ishtirok etgan saylovlarda 94,4 % ovoz oldi.
Respublika parlamentining yaqin orada bo‘lib o‘tadigan yig‘ilishida Tataristonning yangi hukumati tarkibini shakllantirish masalasi ko‘rib chiqiladi.
Izoh (0)