Temur Olimxo‘jayev boshchilik qilayotgan O‘zbekiston o‘smirlar terma jamoasining Falastinda o‘tkaziladigan Osiyo chempionati—2016 saralashida qatnashadigan tarkibi ma’lum bo‘ldi. Bu haqda O‘zbekiston futbol federatsiyasi matbuot xizmati xabar bermoqda.
Eslatib o‘tamiz, O‘zbekiston o‘smirlar terma jamoasi qur’a natijasiga ko‘ra, “A” guruhidan o‘rin olgan. Ushbu guruhda, shuningdek, Falastin, Maldiv hamda Yaman jamoalari ham bor.
O‘zbekiston o‘smirlar terma jamoasining o‘yinlari taqvimi quyidagicha:
16.09.2015. O‘zbekiston – Maldiv
18.09.2015. Falastin – O‘zbekiston
20.09.2015. O‘zbekiston – Yaman
Olimxo‘jayev boshchiligidagi jamoa ayni vaqtda Toshkentda musobaqa oldidan so‘nggi yig‘inini o‘tkazmoqda. 14-sentabr kuni O‘zbekiston o‘smirlar terma jamoasi delegatsiyasi Falastinga yo‘l oladi.
Quyida ushbu saralash turniriga boradigan futbolchilar ro‘yxatini keltirib o‘tamiz.
Darvozabonlar: Jasurbek Umrzoqov (“Bunyodkor”), Hojiakbar Jo‘rayev (“Paxtakor”), Abduvohid Ne’matov (“Nasaf”).
Himoyachilar: Shoxzamon Xayrullayev (“Paxtakor”), Abubakir Mo‘ydinov (“Bunyodkor”), Ibrohim Turg‘unboyev (“Paxtakor”), Muhammadali Namozov (“Paxtakor”), Ixtiyor Xoldorov (“Bunyodkor”), Nursulton Kuyliboyev (“Paxtakor”), Islom Karimov (“Bunyodkor”), Mardon Abdullayev (“Bunyodkor”).
Yarim himoyachilar: Daler Mirzaxo‘jayev (“Paxtakor”), Asadbek Sobirjonov (“Paxtakor”), Oston O‘runov (“Paxtakor”), Rasul Yo‘ldoshev (“Bunyodkor”), Bahromjon Soatov (“Paxtakor”), Xumoyun Abdusattorov (“Bunyodkor”), Abdug‘ani Kamolov (“Bunyodkor”), Burxon Xasanov (ROZK).
Hujumchilar: Abdulxay Ismoilov (“Bunyodkor”), Abdunozir Abdurahmonov (“Bunyodkor”), Ibrohim G‘anixonov (“Paxtakor”), Shuhrat Ne’matov (“Bunyodkor”).
Izoh (0)