Ozarbayjon poytaxti Boku shahrida shaxmat bo‘yicha Jahon kubogi start oldi, deya xabar bermoqda OlamSport.
Dunyoning kuchli 128 nafar shaxmatchisi dona surayotgan mazkur nufuzli musobaqa olimpiya tizimida o‘tkazilib, har bir bosqichdan so‘ng mag‘lubiyatga uchragan ishtirokchi turnirni tark etdi.
Jahon kubogida 35-raqam ostida tasniflangan 17-jahon chempioni Rustam Qosimjonov 1/64 final bosqichida kanadalik Aleksey Kovalyov bilan uchrashdi. Reytingda raqibidan ancha yuqorida turishiga qaramay, o‘zbekistonlik shaxmat ustasi bu partiyada durang bilan cheklandi. 12 sentabr kuni shaxmatchilar yana bir bor o‘zaro to‘qnash keladi.
Eslatib o‘tamiz, Jahon kubogining umumiy mukofot jamg‘armasi 1,6 million dollarni tashkil etadi. G‘olib shaxmatchi 96 ming dollarga ega bo‘ladi. Vitse-chempion 64, yarim finalchilar 40, chorak finalga yetib kelgan grossmeysterlar esa 28 ming dollar bilan mukofotlanadi.
Izoh (0)